ബെംഗളൂരു: ഖരമാലിന്യങ്ങള്‍ ശേഖരിക്കുന്നതിനും കൊണ്ടുപോകുന്നതിനുമുള്ള ടെന്‍ഡറുകളില്‍ സിവില്‍ കോണ്‍ട്രാക്ടര്‍മാരെ പങ്കെടുക്കാന്‍ അനുവദിക്കുന്നതിന് താല്‍പ്പര്യം പ്രകടിപ്പിച്ചിരുന്ന ബെംഗളൂരു സോളിഡ് വേസ്റ്റ് മാനേജ്മെന്റ് ലിമിറ്റഡ് (ബിഎസ്ഡബ്ല്യുഎംഎല്‍) തങ്ങളുടെ പുതുക്കിയ ടെന്‍ഡര്‍ വ്യവസ്ഥകളിലെ വ്യവസ്ഥയില്‍ നിന്നും ഒഴിവാക്കി.
ഏറ്റവും പുതിയ മാനദണ്ഡങ്ങള്‍ അനുസരിച്ച്, മുനിസിപ്പല്‍ ഖരമാലിന്യങ്ങള്‍ ശേഖരിക്കുന്നതിലും സംസ്‌കരിക്കുന്നതിലും പരിചയമുള്ള സ്ഥാപനങ്ങള്‍ക്ക് മാത്രമേ ടെന്‍ഡറിന് അര്‍ഹതയുള്ളൂ.
കഴിഞ്ഞ മാസം 243 വാര്‍ഡുകളിലേക്കും 89 പാക്കേജുകളായി തിരിച്ചാണ് ബോര്‍ഡ് ടെന്‍ഡര്‍ ക്ഷണിച്ചത്. രണ്ടും മൂന്നും വാര്‍ഡുകളിലെ മാലിന്യം ശേഖരിക്കുന്നതിനും കൊണ്ടുപോകുന്നതിനും ലേലത്തില്‍ വിജയിച്ച ഓരോ വ്യക്തിക്കും ഉത്തരവാദിത്തമുണ്ട്.
രണ്ട് പാരാമീറ്ററുകള്‍ അടിസ്ഥാനമാക്കിയാണ് പണമിടപാട് നടത്തുകയെന്നും ബോര്‍ഡ് അറിയിച്ചിട്ടുണ്ട്. വിന്യസിച്ചിരിക്കുന്ന വാഹനങ്ങളുടെയും ഡ്രൈവര്‍മാരുടെയും അടിസ്ഥാനത്തില്‍ പേയ്മെന്റിന്റെ 60% എല്ലാ മാസവും മുന്‍കൂറായി നല്‍കുമ്പോള്‍, ശേഷിക്കുന്ന 40% പ്രവര്‍ത്തന പ്രകടനം വിലയിരുത്തിയ ശേഷം നല്‍കും, അതില്‍ നിയുക്ത സ്ഥലങ്ങളില്‍ വിതരണം ചെയ്യുന്ന വേര്‍തിരിക്കപ്പെട്ട മാലിന്യവും ഉള്‍പ്പെടുന്നു.
എന്നിരുന്നാലും, എല്ലാ ലേലക്കാര്‍ക്കും പുതിയ വാഹനങ്ങള്‍ വാങ്ങുന്നത് ബി .എസ്.ഡബ്യിയൂ.എം.എല്‍ (BSWML) നിര്‍ബന്ധമാക്കിയിട്ടുണ്ട്. ഇത് പദ്ധതിയുടെ ച്ചെലവ് വര്‍ധിപ്പിക്കാനും സാധ്യതയുണ്ട്. അതിനാല്‍ കരാര്‍ മാനദണ്ഡങ്ങളില്‍ അഞ്ച് വര്‍ഷത്തില്‍ താഴെ പഴക്കമുള്ള വാഹനങ്ങള്‍ അനുവദിക്കുന്ന കാര്യം ബിഎസ്ഡബ്ല്യുഎംഎല്‍ പരിഗണിക്കണമെന്ന ആവശ്യം ഉയര്‍ന്നിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
